РАБОТЫ ПОБЕДИТЕЛЕЙ КОНКУРСА ЭССЕ "МОЙ РОДНОЙ ЯЗЫК" (I МЕСТО)
Дата: 08/06/2020
Тема: Новости


06 июня в Республике Саха (Якутия) подвели итоги республиканского конкурса сочинений/эссе на темы "Мой родной язык" и "Олень - мой друг". Публикует работы победителей, занявших 1 место в номинации "Мой родной язык" Динары Колосовой и Максима Абрамова. Обе работы написаны на эвенкийском языке.

МИННИ ЭВЭДЫ ТУРЭНМИ

Би ая дуннэду Иеӈнэду балдырим. Минни энтылви – эвэнкил. Иеӈнэ – бикит эвэнкилни. Бикит «Иеӈнэ» бирадук «Иеӈнэ» гэрбивча. Эвэнкил 1926 анӈанидук индерэ. Бира «Иеӈнэ» дяпкадун бидерэ, урэ хэргидэдун «Адяри хунат». Эду тыхинча бэел индерэ. Нонон эвэнкил бирал: Алдан, Чульман, Иеӈнэ, Сутам, Гонам, Тумтон общиналди нулгидеритын. Эду Бутал, Нюрмагар, Пуягир, Эмис… бидерэ.

Эвенкил тыкин эхиткэндэле бултадерэ, олломидяра, орорво ичэтчэрэ. Этэечимнил, бултамнил тыкин эгдэнду бидерэ.
«Орон ачин, эвенки ачин», тыкэ гунивкил. Орон эвэнкилду – тар девгэ, тэткэ, идэгэ…

Би тэкэнми – Бута. Бута – сагдыгу, хэгдыкун тэкэн. Эр тэкэнду Колесовыл, Наумовыл, Стручковыл. Минни аминми, Колесов Виталий Николаевич, ая бултамни бин,кин. Нуӈан бэюрбэ, некэлвэ, хорокилва бултарин. Аминми ухадукви эгдэнду индерин. Таткитва этэга, эгдэнду хавалиллин. Нуӈанман аминын – Сергей Николаевич таткарин: бултада; сыргалва, котолво, нёхулва ода. Би аминнунми орорво илбэрим, бултадерим. Нуӈан минэвэ одёлва, итылва таткарин: печивэ улидэ, аят бултадан; Сэвэкидук аяя гэлэӈкивун; бэюнмэ бултаха, бэелду бориӈкин.

Аминми аят эвэдывэ саӈкин, он бултарин улгучэнден,кин. Би сомат эятчэм эвэдывэ турэнмэ сада. Эткан эвэды турэнмэ омӈодёро. Иеӈнэду эвэдывэ турэнмэ сагдыл бэел сарэ. Куӈакар лучадыт турэтчэрэ, эвэды турэн мунду английскайгачин.

Владимир Колесов икэрду гуниӈкин: «Эвэнкил бигат горово. Эвэды турэнмэр энэл омӈоро». Нуӈан эячин,кин эвенкил аят, гороё бидэтын, энэль омӈоро эвэды турэнмэ.

Эвэнкил, умунупкат!!! Эвэдывэ турэнмэ салдиӈат.

Динара Колесова, 5 класс МОУ СОШИ им. Г.М. Василевич, с. Иенгра


УЛГУР МИННИ ЭВЭДЫ ТУРЭН

Би гэрбив Абрамов Максим, татчам дяпки классту, таткитту Арктика. Эмэм элэ горо дуннэдук, бикиттук гэрбичи Нюгдя, лучадыт Усть-Нюкжа. Нюгдя хэгды бираду гэрбичиду Олёкма илитчаран. Би куӊакандукви эвэдывэ турэнмэ долчатчам, кэргэндув энтыл эвэдыт гундерэ, эгдэнду орорво ичэтчэнэ бидерэ.

Бикиттув кэтэ эвэнкил этэечимнил индерэ, упкатыл аят эвэдывэ турэнмэ сарэ. Тар со ая, мэнми турэнмэр энэл омӊоро индерэ.

Нонон минни тэгэдув аятку гиркитын – орон. Агидук мэндувэр упкатъя гадяра. Бэйӈэл ирэксэлдуктын дю дасивуран, тэткэевэр, унталъявар-да, коколловор одяра. Аямат эвэнкил аги бэйӈэлвэр сарэ. Куӈакандуквар омолгичарвэ алагудявкил ургэпчуду хаваду – бэюмэкитту. Он бэюдэ, олломида нуӈарватын амтылтын алагудяра. Асаткарва уллида, нямилва укумнива сырда, энинтыл алагувкил.

Орорди агили нулгиктэденэ бидевкил.
Эвэнкил мэнӈивэр хоктовор аят садяра: иду, экуды биракан, урэкэн бидерэн. Итылвар, одёлвор энэл омӈоро бидерэ.

Би тыкэ гунмучэдем, энэ сарэ мэнниви турэнми, бэе бугая ачин одяӊан.

Таткитту «Арктика» эвэдывэ турэнмэ аят алагувдяра, куӊакар эвэдыт давлавурва аят сэhэдерэ.

Эвэнкил тэгэл! Бугавар аявкэллу, мэнӊиви тэкэнмэр аят сачадяна ӊэнэдекэллу!

Максим Абрамов, 10 класс, ЭШИ «Арктика»

Источник: МОО "Льыоравэтльан"





Это статья Льыоравэтльан
http://indigenous.ru

URL этой статьи:
http://indigenous.ru/modules.php?name=News&file=article&sid=4187